జనసేన బలోపేతంపై దృష్టి: మహబూబ్‌నగర్‌లో ఆగస్టు 1న ర్యాలీ

జనసేన పార్టీని గ్రామ స్థాయి నుండి బలోపేతం చేయాలని లక్ష్యంగా మహబూబ్‌నగర్‌లో ఆగస్టు 1న ప్రత్యేక కార్యక్రమం నిర్వహించనున్నట్లు పార్టీ పార్లమెంటరీ కోఆర్డినేటర్ మేడ రామకృష్ణ తెలిపారు.

మహబూబ్‌నగర్ జిల్లా కేంద్రంలో నిర్వహించిన సమావేశంలో ఆయన మాట్లాడుతూ, అమరవీరుల స్తూపం వద్ద నివాళులు అర్పించిన అనంతరం భారీ ర్యాలీ చేపడతామని చెప్పారు. పవన్‌కళ్యాణ్ ఆశయాలకు తాను ఆకర్షితుడనని, అందుకే జనసేనలో చేరినట్లు రామకృష్ణ వెల్లడించారు.

రానున్న ఎంపీటీసీ, జడ్పీటీసీ ఎన్నికల్లో అందరం కలిసికట్టుగా పని చేస్తామని ఆయన పేర్కొన్నారు. త్వరలో పార్లమెంటరీ సమావేశాలు, క్లాక్ టవర్ దగ్గర ర్యాలీ నిర్వహిస్తామని ప్రకటించారు.