కేంద్ర ఆరోగ్య మంత్రి జేపీ నడ్డా ఆరోగ్య సేతు 2.0 సేవలు ప్రారంభం

కేంద్ర ఆరోగ్య మంత్రి జేపీ నడ్డా ఆరోగ్య సేతు 2.0 సేవలను, డిజిటల్ హెల్త్ సర్వీసులను ప్రారంభించారు. ఇందులో ఆయుష్మాన్ సారథి చాట్‌బాట్, ఆయుష్మాన్ యాప్, సుశ్రుత్ క్లినిక్ వంటి అధునాతన టెక్నాలజీ సేవలు ఉన్నాయి.

ఈ కార్యక్రమంలో మాట్లాడిన నడ్డా, దేశంలో ఆరోగ్య రంగాన్ని బలోపేతం చేయడానికి మోదీ ప్రభుత్వం అధిక ప్రాధాన్యత ఇస్తోందని తెలిపారు. ఆరోగ్య సేవలను సులభతరం చేయడమే ప్రభుత్వ లక్ష్యమన్నారు.

ఇప్పటివరకు 90 కోట్లకు పైగా ఆయుష్మాన్ భారత్ హెల్త్ ఖాతాలు కేటాయించినట్లు నడ్డా వెల్లడించారు. డిజిటల్ హెల్త్ ఎకోసిస్టమ్ నిర్మాణం దిశగా అడుగులు పడుతున్నాయని చెప్పారు. ఈ సేవలతో ప్రజలకు నాణ్యమైన వైద్య సేవలు మరింత చేరువ కానున్నాయి.