జూరాల ప్రాజెక్టుకు భారీ వరద ఇన్ఫ్లో, 29 గేట్లు ఎత్తివేత

జోగులాంబ గద్వాల జిల్లాలోని జూరాల ప్రాజెక్టుకు భారీగా వరద నీరు చేరుతోంది. ఎగువ ప్రాంతాల్లో కురుస్తున్న వర్షాల కారణంగా ప్రాజెక్టుకు 67,000 క్యూసెక్కుల ఇన్ఫ్లో వస్తోంది.

అధికారులు 29 గేట్లు ఎత్తి 79,312 క్యూసెక్కుల నీటిని దిగువకు విడుదల చేస్తున్నారు. ప్రాజెక్టు పూర్తి స్థాయి నీటిమట్టం 318.516 మీటర్లు కాగా, ప్రస్తుతం నీటిమట్టం 317.560 మీటర్లకు చేరుకుంది.

నిల్వ సామర్థ్యం 9.657 టీఎంసీలు కాగా, ప్రస్తుతం 7.78 టీఎంసీల నీరు నిల్వ ఉంది. భారీ వరద ఇన్ఫ్లో కారణంగా జూరాల జలవిద్యుత్ కేంద్రాల్లో 11 యూనిట్ల ద్వారా 434 మెగావాట్ల విద్యుత్తు ఉత్పత్తి అవుతోంది.

ఎగువన ఉన్న ఆల్మట్టి, నారాయణపూర్ ప్రాజెక్టుల నుంచి 67,000 క్యూసెక్కుల వరద జూరాలకు చేరుతోంది. ఉమ్మడి మహబూబ్నగర్ జిల్లాలో కృష్ణా నది పరవళ్లు తొక్కుతోంది.