పిల్లలకు చదువుతో పాటు సంగీతం, కళలు నేర్పించాలి: జస్టిస్ కృష్ణమోహన్

గుంటూరులో మంగళంపల్లి బాలమురళి కృష్ణ 96వ జయంతి మహోత్సవాల్లో హైకోర్టు న్యాయమూర్తి జస్టిస్ బి. కృష్ణమోహన్ పాల్గొన్నారు. శాస్త్రీయ సంగీతం, కళలు కనుమరుగు కాకుండా తల్లిదండ్రులు పిల్లలకు చదువుతో పాటు ఒక కళను నేర్పించాలని ఆయన పిలుపునిచ్చారు.

ఈ కార్యక్రమంలో విద్యార్థులు సాంస్కృతిక సంగీత ప్రదర్శనలు ఇచ్చారు. క్రియేటివ్ అండ్ కల్చరల్ కమిషన్ చైర్‌పర్సన్ పొడపాటి తేజస్విని మాట్లాడుతూ సంగీతం, నృత్యం వంటి కళల సాధన ద్వారా క్రమశిక్షణ సొంతం చేసుకోవచ్చన్నారు. శాస్త్రీయ కళల అభివృద్ధికి కూటమి ప్రభుత్వం కట్టుబడి ఉందని చెప్పారు. టెక్నాలజీ ఎంత అభివృద్ధి చెందినా కళలు మనిషిని మార్చే తీరును ఏ యంత్రమూ సాధించలేదని, కోడింగ్‌తో పాటు కర్ణాటిక సంగీతం కూడా పిల్లలకు నేర్పించాలని ఆమె అన్నారు.

మంగళంపల్లి బాలమురళి కృష్ణ గాత్రానికి సంగీత పరిజ్ఞానం లేనివారు కూడా ముగ్ధులవుతారు. ఆయనను భారత ప్రభుత్వం పద్మశ్రీ, పద్మవిభూషణ్ పురస్కారాలతో గౌరవించింది.