అవకాడో సాగులో కడప రైతు విజయం: సేంద్రియ పద్ధతిలో ఏకరానికి 5 టన్నుల దిగుబడి

కడప జిల్లా లింగాల మండలం వెలిదండ్ల గ్రామానికి చెందిన రైతు వరదారెడ్డి అవకాడో సాగుతో మంచి లాభాలు పొందుతున్నారు. సంప్రదాయ పంటల నష్టాలతో నిరాశ చెందిన ఆయన నాలుగేళ్ల క్రితం కొత్త ఆలోచనతో అవకాడో మొక్కలు నాటారు.

వరదారెడ్డి కర్ణాటకలోని కోరుగు నుంచి అంటుకట్టిన మొక్కలు తెప్పించి రెండెకరాల్లో ఎకరానికి 140 మొక్కల చొప్పున నాటారు. డ్రిప్ ఇరిగేషన్ ద్వారా నీటి సదుపాయం కల్పించి, రసాయన ఎరువులు, పురుగు మందులు వాడకుండా సేంద్రియ పద్ధతిలో పంటను సాగు చేశారు.

నాలుగేళ్ల ఓర్పు తర్వాత ప్రస్తుతం కోత ప్రారంభమైంది. ఏకరానికి ఐదు టన్నులకు పైగా దిగుబడి వస్తుందని ఆశిస్తున్నారు. స్థానికంగా కిలోకు రూ.100 చొప్పున అమ్ముతూ, వ్యాపారులు నేరుగా తోటకు వచ్చి కొనుగోలు చేస్తున్నారు.

ఐదు రకాల మొక్కలు ప్రయోగాత్మకంగా నాటగా, ఒక రకం విఫలమైందని, మిగిలినవి విజయవంతమయ్యాయని వరదారెడ్డి తెలిపారు. అధిక ఉష్ణోగ్రతలను (45°C) తట్టుకోగల ఈ మొక్క మొదటి ఏడాది సంరక్షణ అవసరమని, తర్వాత సహజంగా పెరుగుతుందన్నారు.

తాజాగా ఆయన మొక్కల కలుపు (గ్రాఫ్టింగ్) చేసి రూ.100కే రైతులకు అందిస్తున్నారు. మార్కెట్లో రూ.200-250 ఉండటంతో చౌకగా ఇచ్చి ఇతర రైతులకు ప్రోత్సాహం కల్పిస్తున్నారు.

వ్యవసాయంలో కొత్త ఆలోచనలు, సరైన ప్రణాళికతో లాభాలు పొందవచ్చని ఈ సక్సెస్ స్టోరీ రుజువు చేస్తోంది.