కల్కి 2: దీపిక స్థానంలో హీరోయిన్ ఎవరు? సస్పెన్స్ కొనసాగుతోంది

‘కల్కి 2’ చిత్రం షూటింగ్ కొనసాగుతోంది. ఇప్పటికే రెండు భారీ షెడ్యూల్స్ పూర్తయ్యాయి. కానీ దీపిక పదుకొనే పోషించిన సుమతి పాత్రకు ఎవరు కొత్త హీరోయిన్ అనేది మేకర్స్ ఇంకా ప్రకటించలేదు.

దర్శకుడు నాగశ్విన్ ఈ పాత్ర సినిమాకు ప్రాణమని, అది లేకుండా ‘కల్కి 2’ ఉండదని స్పష్టం చేశారు. సెప్టెంబర్ నుంచి నాన్‌స్టాప్ షెడ్యూల్ ప్లాన్ చేస్తున్నట్లు ఆయన తెలిపారు. సాయి పల్లవి, అలియా భట్ పేర్లు వినిపించినా, ఆ వార్తల్లో నిజం లేదని నాగశ్వినే కొట్టిపారేశారు.

ప్రియాంక చోప్రా ‘వారణాసి’ సినిమాతో బిజీగా ఉండటంతో ఆమె రేసులో లేరని సినీ వర్గాల్లో చర్చ జరుగుతోంది. మృణాల్ ఠాకూర్, అనుష్క శెట్టి లాంటి పేర్లు కూడా వినిపిస్తున్నాయి. అయితే అధికారికంగా హీరోయిన్ ఎవరనేది మాత్రం సస్పెన్స్‌లోనే ఉంది.