గోదావరి నీటి మట్టం పతనం: కందకుర్తి త్రివేణి సంగమం ఎండిపోయింది

నిజామాబాద్ జిల్లా కందకుర్తి వద్ద గోదావరి, హరిద్ర, మంజీరా నదుల సంగమ స్థలమైన త్రివేణి సంగమం పూర్తిగా ఎండిపోయింది. వేసవి ఎండలు, వర్షాభావం కారణంగా నీటి ప్రవాహం లేకుండా పోయింది.

ప్రతి ఏటా నదీ సంగమంలో స్నానం చేసేందుకు, పూజలు చేసేందుకు భక్తులు పెద్ద సంఖ్యలో వస్తుంటారు. అయితే నీరు లేకపోవడంతో భక్తులు చెంబుల్లో నీళ్లు తెచ్చుకుని స్నానం చేయాల్సిన పరిస్థితి ఏర్పడింది. తీర్థ ప్రసాదాల కోసం తెప్పలు వదిలే ఆచారం కూడా నీటి కొరతతో సాగడం లేదు.

గోదావరి నదిని ‘దక్షిణ గంగ’గా పిలుస్తారు. నాసిక్ నుంచి పుట్టిన ఈ నది నిజామాబాద్, బాసర, పోచంపాడు, కాళేశ్వరం, భద్రాచలం రాజమండ్రి మీదుగా దవలేశ్వరం వద్ద సముద్రంలో కలుస్తుంది. తాగునీటికి, సాగుకు ఈ నదిపై ఆధారపడే జనం ఇప్పుడు నీటి ఎద్దడితో ఆందోళన చెందుతున్నారు.

స్థానికులు ఈ సంగమం వద్ద చెక్ డ్యామ్ నిర్మించాలని కోరుతున్నారు. దీనివల్ల ఏడాది పొడవునా నీరు నిల్వ ఉంటుందని, భక్తులకు ఇబ్బంది తగ్గుతుందని అంటున్నారు. వర్షాలు సమృద్ధిగా కురిస్తేనే గోదావరికి నీరు వచ్చే అవకాశం ఉంది.