కార్తిక మాసంలో వనభోజనాలు ఎందుకు చేస్తారు? ఉసిరి చెట్టు పూజ, ఐక్యత ఆచారం

కార్తిక మాసంలో వనభోజనాలు చేయడం ఒక ఆచారంగా కొనసాగుతోంది. ఉదయాన్నే కాలకృత్యాలు తీర్చుకుని కొంతమంది కలిసి తోట లేదా వనానికి వెళ్తారు. అక్కడ ఉసిరి చెట్టు ఉన్న ప్రదేశాన్ని ఎంచుకుంటారు.

ఈ ఆచారంలో ఉసిరి చెట్టుకు ప్రత్యేక ప్రాధాన్యం ఉంది. చెట్టు దగ్గరికి వెళ్లి పూజ చేస్తారు. తులసి మొక్కకు కూడా పూజ చేస్తారు. అనంతరం దైవ నామ స్మరణ చేస్తారు.

సాధారణంగా పది మంది వరకు కలిసి వెళ్తారు. వంటకు కావాల్సిన ఆహార పదార్థాలు, పాత్రలు తీసుకెళ్తారు. వెళ్లిన వారే వంట చేసుకుంటారు. కొందరు దోసెలు తీస్తారు, కొందరు కూరగాయలు తరుగుతారు. మరి కొందరు పాత్రలు సర్దుతారు, నీళ్లు తెస్తారు. ఆకు విస్తర్లు ఏర్పాటు చేసే బాధ్యతను కూడా పంచుకుంటారు. మధ్యలో పురాణ కలక్షేపం, దైవ నామ స్మరణ కొనసాగుతాయి.

పూజ మొదట్లో సాలగ్రామం పెట్టి ప్రారంభిస్తారు. సాయంత్రం వరకు అందరూ ఒకే చోట కలిసి ఉంటారు. వండిన ఆహారాన్ని ముందు దైవానికి నివేదన చేస్తారు. తర్వాత అది ప్రసాదంగా మారుతుంది. అందరూ భేదభావం లేకుండా కలిసి కూర్చుని భుజిస్తారు.

ఈ వనభోజనం ఐక్యతను పెంచుతుందని భక్తుల విశ్వాసం. పచ్చని వనాల మధ్య భోజనం చేయడం ఆరోగ్యానికి మంచిదని చెబుతారు. ఉసిరి చెట్టు కింద కూర్చోవడం వల్ల జ్ఞానం పెరుగుతుందని నమ్మకం. కష్టసుఖాలను పంచుకోవడం వల్ల మానసిక బలం పెరుగుతుందని కూడా భక్తులు చెబుతారు.