కీర్తి సురేష్ ఇంటర్వ్యూ: భిన్న మతాల ప్రేమలో కుటుంబాన్ని ఒప్పించడం కష్టమన్న నటి

తన ప్రేమను పెళ్లి వరకు తీసుకెళ్లడానికి చాలా కష్టపడాల్సి వచ్చిందని నటి కీర్తి సురేష్ తాజా ఇంటర్వ్యూలో చెప్పారు. ఇద్దరి మతాలు వేరు కావడంతో కుటుంబ సభ్యులను ఒప్పించడం సులభం కాలేదని ఆమె తెలిపారు.

కీర్తి చెప్పిన ప్రకారం, ఆంటోనీ తట్టితో ఆమె ప్రేమ కథ 2010 జనవరిలో మొదలైంది. అప్పుడు కీర్తి వయసు 17 ఏళ్లు. ఆంటోనీ ఆమె కంటే ఏడేళ్లు పెద్ద. సినిమాల్లోకి రాకముందే ఆంటోనీ ఆమెకు తెలుసు. ఇద్దరూ కలిసి పెరిగారు.

ఆంటోనీ క్రిస్టియన్ కావడంతో తన ఇంట్లో చాలా సమస్యలు ఎదురయ్యాయని కీర్తి తెలిపారు. కుటుంబ సభ్యులను ఒప్పించడానికి తనకు చాలా సమయం పట్టిందని ఆమె చెప్పారు. 15 ఏళ్లుగా ప్రేమించుకున్నామని, ఒకరినొకరు అర్థం చేసుకున్నామని కీర్తి పేర్కొన్నారు.

తల్లిదండ్రులతో పోరాడి చివరికి పెళ్లి చేసుకుని తాము హ్యాపీగా ఉన్నామని ఆమె చెప్పారు. ఈ ఇంటర్వ్యూ సమయంలో కీర్తి భావోద్వేగానికి గురయ్యారు.