ఖమ్మంలో 12 ఏళ్ల బాలికపై లైంగిక దాడి, హత్యాయత్నం; కాంగ్రెస్ నేతలు మధ్యవర్తిత్వం చేసినట్లు ఆరోపణలు

ఖమ్మంలో 12 ఏళ్ల బాలికపై లైంగిక దాడి, హత్యాయత్నం కేసు నమోదైంది. ఈ నెల 6వ తేదీన జరిగిన ఈ ఘటన 9వ తేదీన వెలుగులోకి వచ్చింది. స్పృహలోకి వచ్చిన బాలిక తనపై జరిగిన అమానుషాన్ని వెల్లడించింది.

నిందితుడు మహమ్మద్ గౌస్ పై పోక్సో చట్టం, హత్యాయత్నం, లైంగిక దాడి సెక్షన్లతో పోలీసులు కేసు నమోదు చేశారు. నిందితుడిని రిమాండ్ కు తరలించినట్లు పోలీసులు తెలిపారు.

ఈ కేసును నీరుగార్చే ప్రయత్నం జరిగిందని ఆరోపణలు వ్యక్తమవుతున్నాయి. కాంగ్రెస్ పార్టీకి చెందిన ముగ్గురు మాజీ కార్పొరేటర్లు బేరసారాలు చేసినట్లు, 20 లక్షల రూపాయలు ఇచ్చేందుకు ముందుకొచ్చినట్లు, కేసు నమోదు చేయవద్దని పోలీసులపై ఒత్తిడి తెచ్చినట్లు ఆరోపణలున్నాయి. బాలిక కుటుంబాన్ని బెదిరించే ప్రయత్నం జరిగిందని కూడా విమర్శలున్నాయి.

ప్రతిపక్ష బీఆర్ఎస్, సీపీఎం, ఇతర వామపక్షాలు ఫాస్ట్ ట్రాక్ కోర్టు ఏర్పాటు చేయాలని, నిందితుడికి కఠిన శిక్ష విధించాలని డిమాండ్ చేశాయి. మాజీ మంత్రి పువ్వాడ అజయ్ కుమార్, ఎంపీ వద్రాజు రవిచంద్ర ఈ ఘటనను తీవ్రంగా ఖండించారు.