ఖాన్ సర్ కోచింగ్ సెంటర్‌పై పట్నాలో తుపాకీ కాల్పులు: గార్డుకు తీవ్ర గాయాలు

బీహార్ రాజధాని పట్నాలోని ఖాన్ సర్ కోచింగ్ సెంటర్‌పై గుర్తు తెలియని దుండగులు తుపాకీతో కాల్పులు జరిపారు. ఈ ఘటనలో సెంటర్‌లో విధులు నిర్వహిస్తున్న గార్డుకు తీవ్ర గాయాలయ్యాయి. దాడిలో ఆఫీసు ధ్వంసం చేయబడింది. మొత్తం ఎనిమిది నుంచి పది రౌండ్ల కాల్పులు జరిగినట్లు ప్రత్యక్ష సాక్షులు తెలిపారు. గాయపడిన గార్డు, సమీపంలోని మరో కోచింగ్ సెంటర్ వారే ఈ దాడికి పాల్పడ్డారని పోలీసులకు చెప్పాడు. ఆ ప్రత్యర్థి కోచింగ్ సెంటర్ యాజమాన్యం ఖాన్ సర్ కోచింగ్ సెంటర్ తక్కువ ఫీజుతో మంచి ఫలితాలు సాధిస్తున్నందుకు ఈర్ష్యతో రెండు రోజుల్లో ఎగిరేస్తామని బహిరంగంగానే బెదిరించిందని ఆరోపణలు ఉన్నాయి. ఘటనా స్థలంలోని CCTV ఫుటేజీని పోలీసులకు అందజేశారు. దుండగులను గార్డు గుర్తుపట్టాడు. తలకు బలమైన గాయమైన గార్డును పాట్నా మెడికల్ కాలేజీ అండ్ హాస్పిటల్ (PMCH)కు తరలించారు. పోలీసులు ఘటనా స్థలానికి చేరుకొని విచారణ ప్రారంభించారు. గార్డు, ప్రత్యక్ష సాక్షుల బయానాలు నమోదు చేశారు. కేసు నమోదు చేసి తదుపరి చర్యలు చేపడతామని పోలీసులు తెలిపారు. 'తక్కువ ఫీజుతో పేద విద్యార్థులకు చదువు చెప్పడాన్ని ఇలా అడ్డుకోవడం సరికాదు' అని ఖాన్ సర్ స్పందించారు. ప్రస్తుతం గార్డు చికిత్స పొందుతున్నాడు. నిందితులను గుర్తించే ప్రయత్నం కొనసాగుతోంది.