పోలీసు చర్యల నిర్ణయం అధికారిదే: రాహుల్ గాంధీ వ్యాఖ్యలపై కిరణ్ బేడీ స్పందన

కాంగ్రెస్ నేత రాహుల్ గాంధీ ఇటీవల పోలీసు చర్యలపై చేసిన విమర్శలకు మాజీ ఐపీఎస్ అధికారి, పుదుచ్చేరి మాజీ లెఫ్టినెంట్ గవర్నర్ కిరణ్ బేడీ స్పందించారు. పార్లమెంట్ భద్రతా ఉల్లంఘన ఘటన నేపథ్యంలో జంతర్ మంతర్ వద్ద జరిగిన ఆందోళనలో పోలీసు చర్యను రాహుల్ గాంధీ ప్రశ్నించిన సంగతి తెలిసిందే. ఈ నేపథ్యంలో కిరణ్ బేడీ మాట్లాడుతూ.. లా అండ్ ఆర్డర్ నిర్వహణలో నిర్ణయాలు సంఘటనా స్థలంలో ఉన్న సీనియర్ అధికారి చేతుల్లోనే ఉంటాయని, హోం మంత్రి ఆదేశాల కోసం ఎదురు చూడరని స్పష్టం చేశారు.

అన్ లా ఫుల్ అసెంబ్లీని ఎలా నియంత్రించాలనే నిర్ణయం సీనియర్ అధికారి, లేదా సంఘటన స్థలంలో ఉన్న అధికారి తీసుకుంటారు. ఆ సమయంలో ప్లాటూన్ కమాండర్లు కూడా సీనియర్ ఆదేశం కోసం వేచి చూడకుండా, శిక్షణలో భాగంగా తక్షణ చర్యలు తీసుకుంటారు. వందలాది మంది గాయపడుతున్నా, ఆగ్ని ప్రమాదాలు జరిగినా, విధ్వంసం జరుగుతున్నా.. అక్కడి అధికారే నిర్ణయాధికారం కలిగి ఉంటారు. హోం మంత్రి నిర్ణయం కోసం ఆగరు అని కిరణ్ బేడీ తెలిపారు.

పార్లమెంట్ భద్రతా ఉల్లంఘన, జంతర్ మంతర్ ప్రతిష్టంభన నేపథ్యంలో రాహుల్ గాంధీ పోలీస్ వ్యవహారశైలిపై ప్రశ్నలు లేవదీశారు. దీంతో మాజీ పోలీసు ఉన్నతాధికారి కిరణ్ బేడీ పోలీసు స్వయంప్రతిపత్తిని సమర్థిస్తూ ఈ వ్యాఖ్యలు చేశారు. పోలీసు చర్యల నిర్ణయాలు రాజకీయ వ్యక్తుల ఆదేశాలపై ఆధారపడవని, అది పూర్తిగా ఆన్-గ్రౌండ్ సీనియర్ అధికారుల విచక్షణేనని ఆమె నొక్కి చెప్పారు. ఈ నేపథ్యంలో పోలీసు విధానాలపై చర్చ మరింత వేడెక్కింది.