సింగరేణిని దోచుకున్నారు: కేటీఆర్, హరీష్ రావు, కవితపై కిషన్ రెడ్డి ఆరోపణ

కేంద్ర మంత్రి జి. కిషన్ రెడ్డి బీఆర్ఎస్ నేతలు కేటీఆర్, హరీష్ రావు, కె. కవితలపై తీవ్ర ఆరోపణలు చేశారు. బీఆర్ఎస్ హయాంలో వీరు కరుసైగలతో సింగరేణి సంస్థను దోచుకున్నారని, రూ.25,902 కోట్ల అప్పు చేసి సంస్థను ఆర్థిక ఇబ్బందుల్లోకి నెట్టారని ఆయన ఆరోపించారు.

తాడిచెర్ల మొదటి గనిని అప్పటి ముఖ్యమంత్రి కేసీఆర్ ప్రైవేట్ కంపెనీలకు కమిషన్ల కోసం అమ్ముకున్నారని కిషన్ రెడ్డి ఆరోపించారు. ప్రస్తుత కాంగ్రెస్ ప్రభుత్వం కూడా బీఆర్ఎస్ తరహాలోనే వ్యవహరిస్తోందని విమర్శించారు.

సింగరేణికి బొగ్గు బ్లాక్‌ల కేటాయింపులో కేంద్రం పారదర్శకంగా వేలం నిర్వహిస్తోందని చెప్పిన కిషన్ రెడ్డి, కొన్ని రాష్ట్ర ప్రభుత్వాలు విద్యుత్ ఉత్పత్తి సంస్థలకు నేరుగా బ్లాక్‌లు ఇచ్చాయన్నారు. 2015లో ఒడిశాలోని నయన కోల్ బ్లాక్ సింగరేణికి కేటాయించినా, అప్పటి ఒడిశా ముఖ్యమంత్రి నవీన్ పట్నాయక్ అనుమతులు ఇవ్వలేదని, దీనిపై అప్పటి తెలంగాణ ముఖ్యమంత్రి కేసీఆర్ స్పందించలేదని ఆరోపించారు.

ఈ ఆరోపణలపై బీఆర్ఎస్, కాంగ్రెస్ నేతల స్పందన తెలియాల్సి ఉంది.