తిరుమలలో కోయిల్ ఆళ్వార్ తిరుమంజనం; రెండు రోజుల పాటు VIP దర్శనాలు రద్దు

తిరుమల శ్రీవారి ఆలయంలో జూలై 14న కోయిల్ ఆళ్వార్ తిరుమంజనం నిర్వహించనున్నారు. ఈ నేపథ్యంలో ఆ రోజు నుంచి రెండు రోజులపాటు VIP బ్రేక్ దర్శనాలను TTD రద్దు చేసింది.

ఈ సందర్భంగా ఆనంద నిలయం నుంచి బంగారు వాకిలి వరకు ఆలయం మొత్తాన్ని నీటితో శుభ్రం చేస్తారు. మూలవిరాట్టును వస్త్రంతో కప్పి, సుగంధ ద్రవ్యాలు కలిపిన పవిత్ర జలాన్ని ప్రోక్షణం చేస్తారు.

ప్రోటోకాల్ ప్రముఖులకు మినహా మిగతా వారికి VIP బ్రేక్ దర్శనాలు రద్దు. జూలై 13, 16 తేదీలకు సంబంధించిన సిఫారసు లేఖలను TTD స్వీకరించింది. అలాగే జూలై 17న కళ్యాణోత్సవం, ఉంజల్ సేవ, ఆర్జిత బ్రహ్మోత్సవం, సహస్ర దీపాలంకరణ సేవలు కూడా రద్దు చేసినట్లు TTD ప్రకటించింది. ఈ మార్పుల విషయంలో భక్తులు సహకరించాలని TTD విజ్ఞప్తి చేసింది.