రాజస్థాన్‌లో రెండు నెలల్లో 18 మంది ప్రసూతి మరణాలు

రాజస్థాన్‌లో గత రెండు నెలల్లో 18 మంది ప్రసూతి మరణాలు నమోదయ్యాయి. కోటా, బికనేర్, బన్స్వారా జిల్లాల్లోని ప్రభుత్వ, ప్రైవేట్ ఆస్పత్రులలో ప్రసవం తర్వాత ఈ మరణాలు సంభవించాయి.

వైద్యులు సిజేరియన్ ఆపరేషన్ల తర్వాత ఇన్ఫెక్షన్ కారణంగా ఇవి జరిగి ఉండవచ్చని అభిప్రాయపడుతున్నారు. రాష్ట్ర వైద్య మంత్రి గజేంద్ర సింగ్ ఖీంసర్ ఘటనపై స్పందించారు. ఆయా ఆస్పత్రుల్లోని ఆపరేషన్ థియేటర్ల నుంచి నమూనాలు సేకరించి పరీక్షించాలని ఆదేశించారు.

దోషులపై చర్యలు తీసుకుంటామని, మరణాలకు గల ఖచ్చితమైన కారణాలు త్వరలో వెల్లడిస్తామని అధికారులు తెలిపారు. ఘటనలపై ప్రత్యేక విచారణ కొనసాగుతోంది.