త్వరలో BC రక్షణ చట్టం తీసుకొస్తాం: మంత్రి కొల్లు రవీంద్ర

మంత్రి కొల్లు రవీంద్ర త్వరలోనే BC రక్షణ చట్టం తీసుకొస్తామని ప్రకటించారు. బలహీన వర్గాలపై దాడులు జరిగినప్పుడు బాధితులకు ఇబ్బంది లేకుండా రక్షణ కల్పించడమే ఈ చట్టం లక్ష్యమని తెలిపారు.

SC, ST, BC, మైనారిటీలకు ఆర్థిక బలోపేతం కోసం కార్యక్రమాలు త్వరలో అమలు చేస్తామని కూడా ఆయన పేర్కొన్నారు. గతంలో నిలిపివేసిన పథకాలను పునరుద్ధరిస్తామని, BC రుణాలకు కొత్త విధానం తీసుకొస్తామని చెప్పారు.

అమరావతి నిర్మాణాలకు సంబంధించి జగన్మోహన్ రెడ్డి రేట్లు పెంచారని చేస్తున్న వ్యాఖ్యలను కొల్లు రవీంద్ర తిరస్కరించారు. అమరావతి నిర్మాణ టెండర్లు ప్రపంచంలో జరిగే అభివృద్ధి పనులతో పోలిస్తే తక్కువ రేటుకు, నాణ్యమైన పనిగా ఆమోదించారని పేర్కొన్నారు. నిర్మాణ కాంట్రాక్టర్లకు అదనపు నిధులు ఇచ్చే పరిస్థితి లేదని స్పష్టం చేశారు.

ఈ విషయంపై YSRCP స్పందన తెలియాల్సి ఉంది.