యాదగిరిగుట్ట బోర్డుతో సీఎం సమావేశం; కడియం శ్రీహరిపై కొండా సురేఖ ఫిర్యాదు

తెలంగాణ సీఎం రేవంత్ రెడ్డి ఈరోజు మధ్యాహ్నం 5:30 గంటలకు యాదగిరిగుట్ట లక్ష్మీనరసింహ స్వామి ఆలయ పాలక మండలితో సమావేశం కానున్నారు. పాలక మండలి ఏర్పాటు అంశంపై ఈ సమావేశం జరగనుంది. ఈ మీటింగ్‌లో దేవాదాయ శాఖ మంత్రి కొండా సురేఖ పాల్గొనడంపై అనిశ్చితి నెలకొంది.

కొండా సురేఖ తన శాఖలో ఎమ్మెల్యే కడియం శ్రీహరి జోక్యం చేసుకుంటున్నారని, తనకు చెప్పకుండా అధికారులతో భేటీ అయ్యి మాస్టర్ ప్లాన్ అడిగారని ఆరోపిస్తూ, ఇప్పటికే ఏఐసీసీ చీఫ్ మల్లికార్జున్ ఖర్గే, తెలంగాణ ఇన్‌చార్జి మీనాక్షి నటరాజన్‌లకు లేఖ రాశారు. సీఎం రేవంత్‌కు కూడా ఈ విషయంపై లేఖ రాశారు.

కడియం శ్రీహరి ఉమ్మడి వరంగల్ జిల్లాలోని ఆలయాల మాస్టర్ ప్లాన్ రూపొందించాలని అధికారులను ఆదేశించారని, ఇది తన శాఖకు సంబంధించిన విషయమని కొండా సురేఖ పేర్కొన్నారు. ఆయనపై క్రమశిక్షణ చర్యలు తీసుకోవాలని డిమాండ్ చేశారు.

ఈరోజు కొండా సురేఖ టీపీసీసీ చీఫ్ మహేష్ కుమార్ గౌడ్‌ను కలిసి కడియం శ్రీహరిపై ఫిర్యాదు చేయనున్నారు. అనంతరం సీఎం‌తో భేటీ అయ్యే అవకాశం ఉంది. ఈ పరిణామాల నేపథ్యంలో, యాదగిరిగుట్ట బోర్డు సమావేశానికి ఆమె హాజరవుతారా లేదా అనేది ఆసక్తికరంగా మారింది.

టీపీసీసీ చీఫ్ మహారాష్ట్ర పర్యటన నుంచి మధ్యాహ్నం హైదరాబాద్ చేరుకోనున్నారు. కొండా సురేఖ వారిని కలిసిన తర్వాత ఈ సమస్య పై క్రమశిక్షణ కమిటీకి నివేదించే అవకాశం ఉంది.