8 ఏళ్ల తర్వాత కొండగట్టు ప్రమాద బస్సు మల్యాల పోలీస్ స్టేషన్ నుంచి తొలగింపు

8 ఏళ్ల తర్వాత జగిత్యాల జిల్లా మల్యాల పోలీస్ స్టేషన్ ముందు ఉన్న కొండగట్టు ప్రమాద బస్సును అధికారులు తొలగించారు. 2018 సెప్టెంబర్ 11న కొండగట్టు ఘాట్ రోడ్డుపై జరిగిన ఈ ఘోర ప్రమాదంలో 65 మంది ప్రయాణికులు మృతి చెందారు. ఈ ప్రమాదం తెలంగాణలో అత్యంత భారీ రోడ్డు ప్రమాదాల్లో ఒకటిగా గుర్తుండిపోయింది.

ప్రమాదం తర్వాత దర్యాప్తు నిమిత్తం బస్సును పోలీస్ స్టేషన్ వద్ద ఉంచారు. ప్రతి రోజు ఈ బస్సును చూస్తూ వెళ్లే స్థానికులు, ముఖ్యంగా తిరుమలాపూర్, శనివారంపేట, దబ్బు తిమ్మయపల్లి గ్రామాల ప్రజలు తీవ్ర మానసిక వేదనకు గురయ్యారు. ఆ రోజు కుటుంబ సభ్యులను కోల్పోయిన జ్ఞాపకాలు ప్రతిసారి మదికి తగిలాయని వారు ఆవేదన వ్యక్తం చేశారు.

బస్సును తొలగించాలని స్థానికులు ఏళ్ల తరబడి రెవెన్యూ, పోలీసు అధికారులకు విజ్ఞప్తులు చేస్తూ వచ్చారు. తాజాగా అధికారులు ఆ బస్సును అక్కడి నుంచి తరలించారు. ఈ నిర్ణయంతో స్థానికులు ఊరట చెందారు. పోలీస్ శాఖ, RTC అధికారులకు వారు కృతజ్ఞతలు తెలిపారు.