AP EAPCET ఇంజనీరింగ్‌లో రెండో ర్యాంక్ సాధించిన శ్రీకాకుళం జిల్లా పొందూరు విద్యార్థిని కోరుకొండ శ్రావ్య

శ్రీకాకుళం జిల్లా పొందూరు గ్రామానికి చెందిన కోరుకొండ శ్రావ్య AP EAPCET ఇంజనీరింగ్ విభాగంలో రెండో ర్యాంక్ సాధించింది. అంతేకాక తెలంగాణ ECET లో 17వ ర్యాంక్ కూడా దక్కించుకుంది.

తల్లిదండ్రులిద్దరూ ఉపాధ్యాయులు. శ్రావ్య 10వ తరగతిలో 587 మార్కులు, ఇంటర్ MPC లో 980 మార్కులు, JEE Main లో 108 మార్కులు సాధించింది. తన విజయం వెనుక తల్లిదండ్రులు, గురువుల ప్రోత్సాహం ఉందని శ్రావ్య చెప్పింది.

శ్రావ్య తన లక్ష్యం సాఫ్ట్వేర్ ఇంజనీర్ కావడమేనని తెలిపింది. పరీక్షలకు టెన్షన్ లేకుండా ప్రశాంతంగా చదివితే మంచి ఫలితం వస్తుందని, ప్రతి విద్యార్థి ఎంత కష్టం చేస్తే అంత ఫలితం ఉంటుందని ఆమె పేర్కొంది. స్థానిక MLA కూన రవికుమార్ శ్రావ్య ఇంటికి వెళ్లి ఆమెను సత్కరించారు. తమ కుమార్తె విజయం పట్ల తల్లిదండ్రులు సంతోషం వ్యక్తం చేశారు.