NLSIU విద్యార్థులు తమ స్నాతకోత్సవానికి CJI సూర్యకాంత్ ఆహ్వానాన్ని వ్యతిరేకించారు

బెంగళూరులోని నేషనల్ లా స్కూల్ ఆఫ్ ఇండియా యూనివర్సిటీ (NLSIU) విద్యార్థులు తమ స్నాతకోత్సవానికి CJI జస్టిస్ సూర్యకాంత్‌ను ఆహ్వానించడాన్ని వ్యతిరేకించారు. BCI చైర్మన్ మనన్ కుమార్ మిశ్రా క్షమాపణ చెప్పాలని కూడా వారు డిమాండ్ చేశారు.

NLSIU యాజమాన్యం స్నాతకోత్సవానికి CJI తో పాటు BCI చైర్మన్‌ను ఆహ్వానించింది. వీరిని ఎందుకు పిలిచారని విద్యార్థులు, పూర్వ విద్యార్థులు ప్రశ్నించారు. NALSAR విద్యార్థులకు తమ నైతిక మద్దతు ఉందని తెలిపారు. BCI తీరు విద్యార్థుల భావ ప్రకటన స్వేచ్ఛను దెబ్బతీస్తుందని వారు అన్నారు.

విద్యార్థులు ఒక లేఖను విడుదల చేశారు. ఈ లేఖపై 2026 బ్యాచ్‌కు చెందిన 125 మంది, 409 మంది ప్రస్తుత విద్యార్థులు, 128 మంది పూర్వ విద్యార్థులు సంతకాలు చేశారు.

ఇటీవల హైదరాబాద్‌లోని నల్సార్ విద్యార్థులు తమ స్నాతకోత్సవానికి CJI ని ఆహ్వానించడాన్ని వ్యతిరేకించారు. దీనిపై BCI 2026 బ్యాచ్ NALSAR విద్యార్థుల న్యాయవాదులుగా నమోదును నిలిపివేస్తూ ఆదేశాలు జారీ చేసింది. ఈ నిర్ణయాన్ని CJI సహా పలువురు తప్పుబట్టారు. దీంతో BCI తన ఆదేశాలను వెనక్కి తీసుకుంది. కొంతమంది చేసిన తప్పుకు అందరినీ శిక్షించడం సరికాదని BCI తెలిపింది.

ఢిల్లీలో జంతర్ మంతర్ వద్ద ఆందోళన చేస్తున్న విద్యార్థులపై పోలీసులు లాఠీ ప్రయోగం చేశారు. దీనిపై దాఖలైన పిటిషన్‌ను అత్యవసరంగా విచారించాలని పిటిషనర్లు కోరారు. సమయం వృథా చేయవద్దని CJI సూర్యకాంత్ వ్యాఖ్యానించినట్లు తెలుస్తోంది. అయితే తాను పిటిషన్‌ను తోసిపుచ్చలేదని, సరైన రీతిలో దాఖలు చేయాలని సూచించానని CJI వివరణ ఇచ్చారు. విద్యార్థుల వ్యతిరేకత CJI, BCI చైర్మన్‌లపై కొనసాగుతోంది.