KTR జన్మదినం: గచ్చిబౌలిలో అంగన్వాడీలకు వంట సామగ్రి పంపిణీ

గచ్చిబౌలి మాజీ కార్పొరేటర్, బీఆర్ఎస్ సీనియర్ నేత సాయిబాబా, కేటీఆర్ జన్మదినం సందర్భంగా "గిఫ్ట్ ఎ స్మైల్" పేరుతో సేవా కార్యక్రమం నిర్వహించారు. ఈ కార్యక్రమంలో 15 అంగన్వాడీ కేంద్రాలకు వంట సామగ్రి అందజేశారు.

అంగన్వాడీ ఉపాధ్యాయులు కోరిన వస్తువులనే సమకూర్చామని, వారు ఒక నెల క్రితం రిక్వెస్ట్ చేశారని సాయిబాబా తెలిపారు. ఈ కార్యక్రమానికి సంబంధించి ఆ శాఖ అధికారులకు సమాచారం ఇచ్చి అనుమతి పొందామని చెప్పారు.

బీఆర్ఎస్ అధికారంలోకి వస్తే అంగన్వాడీలను మరింత అభివృద్ధి చేస్తామని ఆయన పేర్కొన్నారు. తాము ఏ ప్రభుత్వం ఉన్నా ప్రజాప్రతినిధిగా పిల్లలు, స్కూళ్లకు అవసరమైన సహాయం చేస్తామని చెప్పారు.