రేవంత్‌ రెడ్డిపై KTR విమర్శలు: శీల పరీక్షలు పెట్టాల్సింది ఆయనకేనని డిమాండ్

BRS వర్కింగ్ ప్రెసిడెంట్ కేటీఆర్ (KTR) తాజాగా సీఎం రేవంత్ రెడ్డిపై తీవ్ర విమర్శలు చేశారు. హరీశ్ రావుపై రేవంత్ చేసిన 'శీల పరీక్ష' వ్యాఖ్యలకు కౌంటర్గా కేటీఆర్ స్పందించారు.

రేవంత్ రెడ్డి ఇంతకుముందు హరీశ్ రావు శీల పరీక్ష చేయించాలని వ్యాఖ్యానించిన నేపథ్యంలో ఈ వ్యాఖ్యలు వచ్చాయి. కేటీఆర్ మాట్లాడుతూ, 'హరీశ్ రావు కేసీఆర్ గారి సైనికుడు. ఆయన పార్టీ ఆవిర్భావం నుంచి అండగా నిలిచారు. తనపై వస్తున్న ఆరోపణలను చాలాసార్లు ఖండించారు' అని తెలిపారు.

అలాగే, రేవంత్ రెడ్డికే శీల పరీక్ష పెట్టాలని కేటీఆర్ డిమాండ్ చేశారు. 'రేవంత్ రెడ్డి నాలుగు పార్టీలు మారారు. ఆయన ఢిల్లీ వెళ్లినప్పుడు పగలు కాంగ్రెస్ తో, రాత్రి బీజేపీతో ఉంటారు. ఈ విషయం మీడియాకు తెలిసినా చెప్పడం లేదు. అందుకే పార్టీ మార్పిడి గురించి మాట్లాడటం ఆయన ఆరోగ్యానికి మంచిది కాదు' అని కేటీఆర్ విమర్శించారు.

ఈ విషయంలో సీఎం రేవంత్ రెడ్డి స్పందన తెలియాల్సి ఉంది.