కర్నూలు: రోడ్డు వివాదంలో దళిత మహిళపై ఎస్ఐ దాడి ఆరోపణలు

కర్నూలు జిల్లా పెద్దకడబూరు మండలంలోని హెచ్ మురవణి గ్రామంలో ఓ దళిత మహిళపై స్థానిక ఎస్ఐ మారుతి దాడి చేశారన్న ఆరోపణలు వెలువడ్డాయి. పొలానికి రోడ్డు కావాలని ఎస్ఐని కోరినందుకు ఈ దాడి జరిగిందని బాధితురాలు జ్యోతి చెప్పారు.

తమ కుటుంబం వ్యవసాయ కూలీలు అని, తమకు 3.5 నుంచి 5 ఎకరాల పొలం ఉందని, రోడ్డు ఇవ్వాలని అడిగితే ఎస్ఐ దుర్భాషలాడారని జ్యోతి ఆరోపించారు. తర్వాత రాత్రిపూట జేసీబీలతో వచ్చి తమ వేరు శెనగ పంటను దున్నేశారని, తనపై కర్రతో దాడి చేశారని ఆమె ఆవేదన వ్యక్తం చేశారు.

ఈ ఘటనపై జై భీం ఎంఆర్పిఎస్ నాయకులు తీవ్ర ఆగ్రహం వ్యక్తం చేశారు. పోలీసుల ప్రవర్తనను నిరసించారు. ఈ ఆరోపణలపై పోలీసుల అధికారిక స్పందన ఇంకా రాలేదు.