ఎల్బీ నగర్‌లో కిరాణా దుకాణంలో మద్యం బాటిళ్లు స్వాధీనం

హైదరాబాద్ లోని ఎల్బీ నగర్ పోలీసులు ఓ కిరాణా దుకాణంపై దాడి చేసి భారీ మొత్తంలో మద్యం బాటిళ్లను స్వాధీనం చేసుకున్నారు.

కిరాణా దుకాణం ముందు భాగంలో సాధారణ నిత్యావసరాలు అమ్ముతూ, వెనుక వైపు అక్రమంగా మద్యం విక్రయాలు జరుగుతున్నట్లు గుర్తించారు. పోలీసులకు అనుమానాస్పద వాసన వచ్చినట్లు సమాచారం అందడంతో దాడి చేపట్టారు.

పోలీసులు సుమారు 256 బీర్ బాటిళ్లు, 200 క్వార్టర్లు, 90 హాఫ్ బాటిళ్లను స్వాధీనం చేసుకున్నారు. సాధారణంగా గ్రామీణ ప్రాంతాల్లో వైన్ షాపులు దూరంగా ఉన్నచోట బెల్ట్ షాపులు నడుస్తుంటాయి. కానీ బార్లు, వైన్ షాపులు సమృద్ధిగా ఉన్న నగరంలోనూ ఇలా అక్రమ మద్యం విక్రయాలు జరగడం గమనార్హం.

ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.