వాయువ్య బంగాళాఖాతంలో అల్పపీడనం; ఏపీలో వర్ష సూచన, ఈదురుగాల హెచ్చరిక

వాయువ్య బంగాళాఖాతంలో ఏర్పడిన అల్పపీడనం స్థిరంగా కొనసాగుతోంది. దీని ప్రభావంతో ఇవాళ ఏపీలో ఆకాశం మేఘావృతమై, పలు చోట్ల వర్షాలు కురిసే అవకాశం ఉందని రాష్ట్ర విపత్తుల నిర్వహణ సంస్థ తెలిపింది. ముఖ్యంగా అల్లూరి సీతారామరాజు, పోలవరం జిల్లాల్లో ఒకటి రెండు ప్రాంతాల్లో భారీ వర్షాలు కురిసే అవకాశం ఉంది. ఈ జిల్లాల్లో తేలికపాటి నుంచి మోస్తరు వర్షాలు పడతాయి. మిగతా జిల్లాల్లో అక్కడక్కడ తేలికపాటి జల్లులు కురిసే అవకాశం ఉంది. గంటకు 40 నుంచి 50 కిలోమీటర్ల వేగంతో ఈదురుగాలులు వీచే అవకాశం ఉందని అధికారులు హెచ్చరించారు. వర్షం, ఈదురుగాల్ల కారణంగా ప్రజలు అప్రమత్తంగా ఉండాలని, చెట్లు, హోర్డింగ్లు, విద్యుత్ స్తంభాల కింద నిలబడరాదని విపత్తుల నిర్వహణ సంస్థ సూచించింది.