దేవరకద్ర ఎమ్మెల్యే మధుసూదన్ రెడ్డి ఏరువాక పౌర్ణమి తాడు పోటీల్లో పాల్గొన్నారు

మహబూబ్‌నగర్ జిల్లా దేవరకద్ర మండలం జీన్గరాలలో ఏరువాక పౌర్ణమి సందర్భంగా తాడు పోటీలు నిర్వహించారు. ఈ కార్యక్రమానికి దేవరకద్ర ఎమ్మెల్యే మధుసూదన్ రెడ్డి ముఖ్య అతిథిగా హాజరయ్యారు. రైతులు ఎద్దుల బండ్లను అలంకరించి తాడు తెంపే పోటీల్లో పాల్గొన్నారు. పోటీలో ఓయ రమేష్ విజయం సాధించగా, ఎమ్మెల్యే బహుమతులు అందజేశారు. ఈ సందర్భంగా ఎమ్మెల్యే మాట్లాడుతూ రైతులకు ఎరువులు, విత్తనాలు, ముఖ్యంగా యూరియా సరఫరాలో ఎలాంటి ఇబ్బందులు రాకుండా చూడాలని అధికారులను ఆదేశించినట్టు చెప్పారు. యూరియా విషయంలో కేంద్ర ప్రభుత్వంతో అవసరమైతే మాట్లాడి తెప్పిస్తామని హామీ ఇచ్చారు. వ్యవసాయ పనులకు అవసరమైన సామాగ్రి అందించడంలో ప్రభుత్వం కట్టుబడి ఉందని ఆయన అన్నారు. గ్రామంలో మహిళలు, రైతులు పెద్ద సంఖ్యలో ఈ ఉత్సవంలో పాల్గొన్నారు.