నల్గొండ జిల్లా చెరువుగట్టులో భారీ అగ్నిప్రమాదం, 15 షాపులు దగ్ధం

నల్గొండ జిల్లా నార్కట్పల్లి మండలం చెరువుగట్టు పుణ్యక్షేత్రంలో ఆదివారం అగ్ని ప్రమాదం జరిగింది. నంది విగ్రహం సమీపంలోని షాపుల్లో అకస్మాత్తుగా మంటలు చెలరేగాయి. మంటలు వేగంగా వ్యాపించి 15 షాపులు పూర్తిగా దగ్ధమయ్యాయి. ఈ ఘటనలో భారీ ఆస్తి నష్టం సంభవించగా, ప్రాణ నష్టం తప్పింది.

స్థానిక ఫైర్ సిబ్బంది సంఘటనా స్థలానికి చేరుకుని మంటలను అదుపులోకి తీసుకువచ్చారు. అధికారులు ప్రాథమిక దర్యాప్తు చేపట్టగా, షార్ట్ సర్క్యూట్ వల్లే ఈ ప్రమాదం జరిగినట్లు తెలుస్తోంది. అయితే పూర్తి స్థాయి విచారణ తర్వాతే నిజమైన కారణం వెల్లడిస్తుందని అధికారులు పేర్కొన్నారు.