మాల కమ్యూనిటీ రోస్టర్ విధానం సవరణకు డిమాండ్; మంత్రి వివేక్ వెంకటస్వామి మద్దతు

తెలంగాణలో రిజర్వేషన్ల రోస్టర్ వ్యవస్థలో మార్పులు కోరుతూ మాల కమ్యూనిటీ ప్రతినిధులు హైదరాబాద్ ఇందిరా పార్క్ వద్ద మహాధర్ణ నిర్వహించారు.

‘హలో మాల చలో ఇందిరా పార్క్’ పేరుతో జరిగిన ఈ నిరసనకు మంత్రి వివేక్ వెంకటస్వామి హాజరై సంఘీభావం తెలిపారు. రాష్ట్ర ప్రభుత్వ నోటిఫికేషన్లలో రోస్టర్ లోపాల వల్ల మాలలు ఉద్యోగ అవకాశాలు కోల్పోతున్నారని ఆయన అన్నారు.

మంత్రి మాట్లాడుతూ, షమీం అక్తర్ కమిటీ నివేదిక ప్రకారం మాలలకు 5% రిజర్వేషన్ మాత్రమే లభించిందని, కానీ ఆర్టీసి నోటిఫికేషన్లలో అది 2.8% కేటాయించడం అన్యాయమని విమర్శించారు. 2011 జనాభా లెక్కల ఆధారంగా ఏప్రిల్ 2020 తర్వాత తీసుకువచ్చిన ఎస్సీ వర్గీకరణతో రోస్టర్ వ్యవస్థ అస్తవ్యస్తంగా మారిందని నిరసనకారులు ఆరోపించారు.

ఈ అంశంపై కేబినెట్ సబ్ కమిటీ సమావేశం త్వరలో నిర్వహించబోతున్నట్లు మంత్రి వెల్లడించారు. రోస్టర్ సవరణ జరిగే వరకు మాలలతో కలిసి పోరాటం చేస్తానని ఆయన హామీ ఇచ్చారు. ధర్ణలో రాష్ట్రంలోని వివిధ మాల సంఘాల నాయకులు, కార్యకర్తలు పెద్ద సంఖ్యలో పాల్గొన్నారు.