నూజివీడులో TDP సోషల్ మీడియా యాక్టివిస్ట్ మంచోడు మనీపై దాడి; కాళ్లు విరిగి చికిత్స

నూజివీడులో TDP సోషల్ మీడియా యాక్టివిస్ట్‌గా గుర్తింపు పొందిన 'మంచోడు మనీ' అనే యువకుడిపై దుండగులు దాడి చేశారు. కారు, కర్రలు, కత్తులతో దాడి చేసి, మనీ కాళ్లు విరగగొట్టారు. మనీ ప్రస్తుతం విజయవాడలోని ఒక ప్రైవేటు ఆసుపత్రిలో చికిత్స పొందుతున్నారు.

మనీ తన ఫేస్‌బుక్ పోస్టుల వల్లే ఈ దాడి జరిగిందని ఆరోపిస్తున్నారు. మూడు రోజుల క్రితం ఆయన TDP జాతీయ అధ్యక్షుడు నారా లోకేష్ పీఏ సాంబా పై విమర్శనాత్మక పోస్టులు పెట్టారు. ఆ పోస్టుల్లో ఓ మహిళ కోసం సాంబా అక్రమాలకు పాల్పడుతున్నారని ఆరోపించారు. ఈ వివాదాస్పద పోస్ట్లు పెట్టిన 24 గంటల్లోనే తనపై దాడి జరిగిందని మనీ చెబుతున్నారు.

దాడి చేసింది తన పార్టీ లోని మరో వర్గమేనంటూ మనీ ఆరోపిస్తున్నారు. ఈ ఘటన చూసిన మనీ సోదరుడు మనిరత్నం పోలీసులకు ఫిర్యాదు చేశారు. అయితే, ఇప్పటివరకు ఎలాంటి కేసు నమోదు చేయలేదు. పోలీసులు దర్యాప్తు చేపట్టలేదు.