కాగజ్ నగర్‌లో పోలీసుల కార్డన్ సెర్చ్‌.. 64 బైక్‌లకు జరిమానా

కాగజ్ నగర్‌లోని సుభాష్ చంద్రబోస్ కాలనీలో పోలీసులు కార్డన్ సెర్చ్ నిర్వహించారు. ఈ సెర్చ్‌లో 64 బైక్‌లకు సరైన డాక్యుమెంట్లు లేకపోవడంతో జరిమానా విధించారు. పోలీస్ అధికారులు 70 ఇండ్లను తనిఖీ చేశారు.

కాలనీ వాసులు చాలా సంవత్సరాలుగా అక్కడే నివసిస్తున్నారని, వారి యాంటీసిడెంట్స్ చెక్ చేయగా ఎలాంటి క్రమరాహిత్యాలు లేవని పోలీసులు వెల్లడించారు. అలాగే స్థానికులకు నేరాల పట్ల అవగాహన కల్పించి, ఇంటి వద్ద సీసీ కెమెరాలు పెట్టుకోవాలని సూచించారు.

జిల్లా ఎస్పీ ఆదేశాలతో ప్రతి నెలా ఒకసారి ప్రతి పోలీస్ స్టేషన్ పరిధిలో ఇలాంటి కార్డన్ సెర్చ్ నిర్వహిస్తున్నామని డీఎస్పీ వివరించారు. ఈ కార్యక్రమంలో సిఐ, నలుగురు ఎస్ఐలు, 30 మంది సిబ్బంది పాల్గొన్నారు.