మంగళవారం: సుబ్రహ్మణ్య మంత్రంతో కుజ, రాహు, కేతు దోషాలు తొలగించుకోవచ్చని జ్యోతిష్యం

మంగళవారం రోజున సుబ్రహ్మణ్య స్వామికి ప్రత్యేక అర్చనతో కుజ, రాహు, కేతు దోషాల నివారణ కలుగుతుందని జ్యోతిష్య శాస్త్ర విశ్వాసం.

జాతకంలో లగ్నం, 2, 4, 7, 8, 12 స్థానాల్లో కుజుడు ఉన్నవారికి పెళ్లి ఆలస్యం, భార్యాభర్తల మధ్య గొడవలు వంటి సమస్యలు ఎదురవుతాయని నమ్మకం. అదేవిధంగా 1,2,4,5,7,8,12 స్థానాల్లో రాహు లేదా కేతువు ఉంటే అదృష్టం తృటిలో తప్పిపోవడం, తరచూ అనారోగ్యం చెందడం జరుగుతాయని భావిస్తారు.

ఈ మూడు దోషాల ఉపశమనానికి మంగళవారం పగడ మాలికతో “ఓం జ్ఞాన శక్తి ధరాయ నమః” అనే మంత్రాన్ని 21 సార్లు జపించాలని సూచించారు. కుజుడు, సుబ్రహ్మణ్య స్వామికి మధ్య అవినాభావ సంబంధం ఉందని, సుబ్రహ్మణ్యుని సర్పరూపం రాహు-కేతు దోషాలను హరిస్తుందని వివరించారు.

108 లేదా 54 పగడాలతో తయారు చేసిన మాలతో ఈ జపం చేస్తే మరింత మంచి ఫలితాలు ఉంటాయని జ్యోతిష్య వివరణ.