ఆన్‌లైన్ ఫార్మసీలకు వ్యతిరేకంగా దేశవ్యాప్త మెడికల్ షాప్ బంద్

ఆన్‌లైన్ ఫార్మసీల అమ్మకాలను వ్యతిరేకిస్తూ ఫార్మసీ వ్యాపార సంఘాల పిలుపుతో దేశవ్యాప్తంగా మెడికల్ షాప్‌లు బంద్ పాటించాయి. తెలుగు రాష్ట్రాల్లో సైతం ఈ బంద్ ప్రభావం కనబడింది.

తిరుపతిలో కెమిస్ట్ అసోసియేషన్ నాయకులు ర్యాలీ నిర్వహించారు. తిరుపతి కెమిస్ట్ అసోసియేషన్ అధ్యక్షుడు రత్నం మాట్లాడుతూ, ఆన్‌లైన్‌లో మందులు సరైన ప్రిస్క్రిప్షన్ లేకుండా అమ్ముతున్నారని ఆందోళన వ్యక్తం చేశారు. యాంటీబయోటిక్స్, అబార్షన్ కిట్స్, మత్తు మందులు నిర్నియంత్రంగా విక్రయమవుతున్నాయని తెలిపారు.

ఆన్‌లైన్ ఫార్మసీలు National Pharmaceutical Pricing Authority నిర్దేశిత ధరల కంటే అధిక డిస్కౌంట్లు ఇచ్చి నాసిరకం మందులు అమ్ముతున్నాయని అసోసియేషన్ ఆరోపించింది. దేశంలో దాదాపు 12 లక్షల మెడికల్ షాప్‌లు ఉన్నాయని, వాటిపై 5 కోట్ల మంది ప్రజలు జీవనం కొనసాగిస్తున్నారని రత్నం వివరించారు.

ఎమర్జెన్సీ అవసరాలకు ప్రభావం కలగకుండా ఆసుపత్రులకు అనుబంధంగా ఉన్న ఫార్మసీలు, కొన్ని డాక్టర్ల కార్యాలయాల వద్ద మందులు అందుబాటులో ఉంచినట్లు అసోసియేషన్ తెలిపింది. ఔషధ నియంత్రణ అధికారులకు ఫోన్ నంబర్లు కూడా అందజేశారు.

ప్రధానమంత్రి, కేంద్ర ఆరోగ్య మంత్రి, AP CM, AP ఆరోగ్య మంత్రి, జిల్లా కలెక్టర్లకు విజ్ఞప్తి పత్రాలు అందజేశారు. ప్రభుత్వం స్పందించకపోతే రెండు మూడు రోజుల్లో తదుపరి కార్యాచరణ ప్రకటిస్తామని అసోసియేషన్ హెచ్చరించింది.