మెడికవర్ ఆస్పత్రిలో పద్మభూషణ్ డాక్టర్ నోరి దత్తాత్రేయుడు సన్మానం

మెడికవర్ ఆస్పత్రి ఫైనాన్షియల్ డిస్ట్రిక్ట్ విభాగంలో పద్మభూషణ్ పురస్కార గ్రహీత డాక్టర్ నోరి దత్తాత్రేయుడును సన్మానించింది. ఈ సందర్భంగా ఆయన క్యాన్సర్ చికిత్స, ముందస్తు గుర్తింపుపై మాట్లాడారు.

క్యాన్సర్ మరణశిక్ష కాదని, ముందుగానే గుర్తిస్తే సులభంగా నయం చేయవచ్చని డాక్టర్ నోరి చెప్పారు. ప్రారంభ దశ క్యాన్సర్లను తక్కువ ఖర్చుతో, సరళమైన చికిత్సతో సమర్థంగా నయం చేయవచ్చని తెలిపారు.

టార్గెటెడ్ థెరపీ, ఇమ్యునోథెరపీ వంటి అధునాతన చికిత్సలతో అడ్వాన్స్డ్ క్యాన్సర్లను కూడా నియంత్రించవచ్చని వివరించారు. రాబోయే 8-10 ఏళ్లలో జీన్ ఎడిటింగ్ ద్వారా జన్యు ఉత్పరివర్తనాలను సవరించే సదుపాయం అందుబాటులోకి వస్తుందని చెప్పారు.

క్యాన్సర్ నియంత్రణలో 50% విజయం అవగాహన, ఆరోగ్య విద్య, స్క్రీనింగ్, ముందస్తు గుర్తింపుపై ఆధారపడి ఉంటుందని నొక్కిచెప్పారు. క్యాన్సర్ పట్ల అవగాహన పెంచడంలో మీడియా చేస్తున్న కృషిని అభినందించారు.