ఎంజీ మోటార్ ADAPT ప్లాట్‌ఫారమ్ ఆవిష్కరణ: భారత‌లో భవిష్యత్తు ఈవీలకు కొత్త పునాది

ఎంజీ మోటార్ ఇండియా తన సరికొత్త మల్టీ న్యూ ఎనర్జీ వెహికల్ (NEV) ప్లాట్‌ఫారమ్ అయిన ADAPT ను ఆవిష్కరించింది. ఇది పూర్తిగా ఎలక్ట్రిక్, ప్లగ్-ఇన్ హైబ్రిడ్, రేంజ్ ఎక్స్‌టెండర్ EV, మరియు హైబ్రిడ్ వాహనాలను ఒకే ప్లాట్‌ఫారమ్‌పై నిర్మించడానికి వీలు కల్పిస్తుంది.

ADAPT ప్లాట్‌ఫారమ్‌లో నాలుగు రకాల డ్రైవ్‌ట్రెయిన్ ఆప్షన్లను కంపెనీ ప్రదర్శించింది. మొదటిది ప్యూర్ EV సెటప్: ఇందులో సెంటర్‌లో బ్యాటరీ ప్యాక్, ఎలక్ట్రిక్ డ్రైవ్ యూనిట్ నుంచి వీల్స్‌కు పవర్ సరఫరా అవుతుంది. రెండవది ప్లగ్-ఇన్ హైబ్రిడ్: ఇది ఫ్యూయల్ ట్యాంక్, బ్యాటరీ, డెడికేటెడ్ హైబ్రిడ్ ఇంజిన్‌తో వస్తుంది; సిటీ డ్రైవింగ్‌లో బ్యాటరీ పవర్, ఎక్కడైనా అవసరమైనప్పుడు ఇంజిన్ పవర్ పొందొచ్చు. మూడవది రేంజ్ ఎక్స్‌టెండర్ EV: ఇందులో ఇంజిన్ కేవలం జనరేటర్‌గా పనిచేస్తుంది, బ్యాటరీని రీఛార్జ్ చేస్తుంది, వీల్స్‌కు పవర్ మాత్రం బ్యాటరీ నుంచే అందుతుంది. నాలుగవది సంప్రదాయ హైబ్రిడ్ EV: చిన్న బ్యాటరీతో కొన్ని పరిస్థితుల్లో ప్యూర్ EV మోడ్‌లో నడుస్తుంది.

ఎంజీ మోటార్ హైబ్రిడ్ వాహనాలపై ఎక్కువ దృష్టి పెడుతోంది. ప్లగ్-ఇన్ హైబ్రిడ్లు న్యూ ఎనర్జీ వెహికల్ మార్కెట్‌లో భవిష్యత్తుగా ఉంటాయని భావిస్తున్నారు. అయితే, ఈ ప్లాట్‌ఫారమ్ ఎప్పటినుంచి ఉత్పత్తికి వస్తుందో, దానిపై ఆధారితమైన వాహనాలు ఎప్పుడు మార్కెట్‌లోకి వస్తాయో కంపెనీ ఇంకా ప్రకటించలేదు.