టైగర్ శ్రోఫ్‌పై కాల్పుల నేపథ్యంలో బాలీవుడ్ నటులకు ముంబై పోలీసుల అడ్వైజరీ

టైగర్ శ్రోఫ్‌పై కాల్పుల ఘటన నేపథ్యంలో బాలీవుడ్ నటులకు ముంబై పోలీసులు ముఖ్యమైన అడ్వైజరీ జారీ చేశారు. అభిమానుల మధ్య రద్దీగా ఉండే ప్రాంతాల్లో పబ్లిక్ అప్పియరెన్స్‌లు నిర్వహించవద్దని, ప్రజలు ఎక్కువగా గుమిగూడే ప్రాంతాలకు దూరంగా ఉండాలని పోలీసులు సూచించారు. ప్రముఖ నటులు, వారి భద్రతా సిబ్బంది ఈ సూచనలను పాటించాలని కోరారు.

టైగర్ శ్రోఫ్ ఫుట్‌బాల్ ఆడి బయటకు వచ్చి అభిమానులతో ఉన్న సమయంలో, అభిమానుల మధ్య ఉన్న ఇద్దరు వ్యక్తులు ఆయనపై కాల్పులు జరిపారు. ఈ ఘటనలో ఆయన ప్రాణాలతో బయటపడ్డారు. కాల్పులు జరిపిన ఆ ఇద్దరిని తర్వాత రాజస్థాన్‌లోని కోటా నుంచి అరెస్టు చేసినట్లు సమాచారం.

గత 12 రోజుల్లో Lawrence Bishnoi గ్యాంగ్ పేరుతో పలువురు బాలీవుడ్ ప్రముఖులకు బెదిరింపులు వచ్చిన నేపథ్యంలో ఈ అడ్వైజరీ ఇచ్చినట్లు పోలీసులు తెలిపారు. ఎవరెవరికి ఈ సూచనలు వెళ్లాయన్న పేర్లను మాత్రం పోలీసులు వెల్లడించలేదు. బాలీవుడ్ నటులందరికీ సాధారణ హెచ్చరికగానే ఇది జారీ అయిందని చెప్పారు.

పబ్లిక్ ప్రాంతాల్లో ఎక్కడ ఎలాంటి థ్రెట్ ఉందో ముందుగా గుర్తించడం కష్టమవుతుందని, అందుకే ఈ పరిమితి విధించినట్లు పోలీసు వర్గాలు వివరించాయి. ఇటీవల కొందరు నటులు తమ సినిమాల ప్రచారం కోసం మాల్స్, ఇతర ప్రాంతాల్లో అభిమానులను కలుస్తున్నారు. ఈ అడ్వైజరీ వల్ల ఆ ప్రచార కార్యక్రమాలపై ప్రభావం పడనుంది.

సల్మాన్ ఖాన్ విషయంలో భద్రతను ఇప్పటికే పెంచినట్లు, ఆయన అభిమానులకు దగ్గరగా వెళ్లకుండా మీడియా, పాపరాజీలకు మాత్రమే చేయి ఊపుతున్నట్లు సమాచారం. రద్దీ ప్రాంతాలపై పోలీసులు నిఘా ఉంచుతున్నారు.