కేంద్ర ఆరోగ్య మంత్రి సమీక్ష: తెలంగాణలో క్షయ నిర్ధారణ, మాతా శిశు సంరక్షణకు ప్రాధాన్యత

కేంద్ర ఆరోగ్య శాఖ మంత్రి జె.పి. నడ్డా రాష్ట్ర ఆరోగ్య మంత్రులతో వీడియో కాన్ఫరెన్స్ నిర్వహించారు.

మాతా శిశు సంరక్షణ, నివారణ కార్యక్రమాలపై సమీక్షించేందుకు ఈ సమావేశం జరిగింది. తెలంగాణ వైద్య ఆరోగ్య శాఖ మంత్రి దామోదర రాజ నరసింహా కూడా ఇందులో పాల్గొన్నారు.

రాష్ట్రంలో నాలుగు గ్రామాల్లో హెల్త్ స్క్రీనింగ్‌లో భాగంగా క్షయ వ్యాధి నిర్ధారణ పరీక్షలు నిర్వహించినట్టు ఆయన కేంద్ర మంత్రికి వివరించారు. క్షయ రోగులకు పోషకాహారం అందించే నిక్షయ్ పోషణ్ యోజనకు నెలవారీ నిధులు కేంద్రం నుంచి అందించాలని కోరారు. ప్రస్తుతం క్షయ పరీక్షలు 98% కవరేజ్ సాధించిన నేపథ్యంలో మెరుగైన స్క్రీనింగ్ కోసం 50 అదనపు ఎక్స్‌రే యూనిట్లు అవసరమని మంత్రి తెలిపారు.

మాతృ, నవజాత శిశు మరణాల నివారణకు జాతీయ మార్గదర్శకాల ప్రకారం రెగ్యులర్ చెకప్‌లు నిర్వహిస్తున్నామని మంత్రి పేర్కొన్నారు. కేంద్ర మంత్రి ఈ పురోగతిని సమీక్షించి, తగు సహకారం అందిస్తామని హామీ ఇచ్చినట్టు తెలిసింది.