కాకినాడలో నాగేంద్ర సేవా కార్యక్రమం: 50 మంది అనాథ పిల్లలతో కుమార్తె జన్మదిన వేడుకలు

కాకినాడ జిల్లా గొల్లపాలెం‌కు చెందిన జనసేన నాయకుడు నాగేంద్ర తన పెద్ద కుమార్తె లాసియా నాయుడు జన్మదినాన్ని సేవా కార్యక్రమంగా నిర్వహించారు. రెడ్ క్రాస్ సొసైటీలో ఉన్న 50 మంది అనాథ పిల్లలను షాపింగ్‌కు తీసుకెళ్లారు.

పిల్లలు తమకు నచ్చిన వస్త్రాలు, కాస్మెటిక్స్ కొనుగోలు చేసుకునే అవకాశాన్ని కల్పించారు. ఈ కార్యక్రమంలో నాగేంద్ర కుటుంబ సభ్యులు కూడా పాల్గొన్నారు.

నాగేంద్ర మాట్లాడుతూ తాను సంపాదన మొదలుపెట్టినప్పటి నుంచి ఆదాయంలో 20 శాతం పేదవారి కోసం వెచ్చిస్తున్నట్లు తెలిపారు. ఇప్పటివరకు ఎవరి నుంచి విరాళాలు తీసుకోలేదని చెప్పారు.

చిరంజీవి, పవన్ కళ్యాణ్ చేసే సేవా కార్యక్రమాల నుంచి స్ఫూర్తి పొందినట్లు వివరించారు. ఆ మార్గంలో తన పేరుతో ఒక foundation ఏర్పాటు చేశారు.