నల్గొండ పోలీసులు కుటుంబ హత్య కేసు క్రాక్ చేశారు: నలుగురు అరెస్ట్, ఛత్తీస్‌గఢ్‌లో మాస్ పాయిజనింగ్ కేసు వెలుగులోకి

నల్గొండలో ఒక దారుణమైన కుటుంబ హత్య కేసును పోలీసులు విజయవంతంగా పరిష్కరించారు. నిందితుడు అప్పు తీసుకొని తిరిగి ఇవ్వలేదని కోపంతో రాత్రిపూట ఇంట్లోకి చొరబడి భార్యాభర్తలను మరియు మరో ఇద్దరిని పొడిచి చంపాడు. బెడ్ కింద దాక్కున్న అమ్మాయిని కూడా నిర్దాక్షిణ్యంగా హత్య చేశాడు. హత్య చేసిన తర్వాత YouTube లో వీడియోలు చూసి తప్పించుకోవాలని ప్రయత్నించాడు. అయినప్పటికీ నల్గొండ పోలీసులు నిందితుడిని పట్టుకొని సహాయకులతో సహా అరెస్ట్ చేశారు.

ఇక ఛత్తీస్‌గఢ్ రాష్ట్రంలో మరో దారుణమైన కేసు వెలుగులోకి వచ్చింది. ఒక కిరాణం షాప్ నడిపే వ్యక్తి నాలుగు నెలల వ్యవధిలో ఎనిమిది మందిని హత్య చేసినట్టు నిర్ధారణ అయింది. భూమి పంచాయతీ తగాదాలు, భార్య పై కన్నేశాడని అనుమానం, ఎన్నికల్లో వేరే పార్టీకి మద్దతు ఇచ్చాడని, చేతబడి చేశాడని, అప్పు తీసుకొని తిరిగి ఇవ్వలేదని ఇలా వివిధ కారణాలతో ఒక్కొక్కరిని పార్టీ పేరుతో కూల్ డ్రింక్‌లో విషం కలిపి తాపించి హత్య చేసేవాడు. హత్య చేసిన తర్వాత మళ్ళీ తానే దావాఖానకు తీసుకెళ్ళడం, పాడె మోయడం మరియు అంత్యక్రియలకు డబ్బులు ఇవ్వడం చేసేవాడు. తొమ్మిదో బాధితుడు తప్పించుకోవడంతో నిందితుని బాగోతం బయటపడింది.