రాహుల్ సిప్లిగంజ్ కేసు మహిళా పోలీస్ స్టేషన్‌కు బదిలీ

విశాఖపట్నంలో గాయకుడు రాహుల్ సిప్లిగంజ్‌పై నమోదైన కేసును మహిళా పోలీస్ స్టేషన్‌కు బదిలీ చేశారు.

2025 జూలైలో బంబుల్ డేటింగ్ యాప్ ద్వారా పరిచయమైన కర్పూరపు రాహుల్ రెడ్డి తనను పెళ్లి చేసుకుంటానని చెప్పి మోసం చేశాడని ఓ యువతి ఫిర్యాదు చేసింది. ఈ కేసుకు సంబంధించి రాహుల్ రెడ్డితో పాటు రాహుల్ సిప్లిగంజ్, ఆయన భార్య సహా మొత్తం 11 మందిపై MVP పోలీస్ స్టేషన్‌లో జూన్ 11, 2026న కేసు నమోదైంది.

పోలీసులు తెలిపిన వివరాల ప్రకారం, రాహుల్ రెడ్డిపై మోసపూరితంగా శారీరక సంబంధం (సెక్షన్ 69) ఆరోపణలు ఉన్నాయి. రాహుల్ సిప్లిగంజ్, ఆయన భార్య బాధితురాలిని బెదిరించారన్న ఆరోపణలు కూడా ఉన్నాయి. వీరి సహచరులు యశస్విని, విఘ్నేష్, రాహుల్ సిప్లిగంజ్ భార్య సోదరి ఇతరులపై సెక్షన్లు నమోదయ్యాయి.

కేసు మహిళా పోలీస్ స్టేషన్‌కు బదిలీ కాగా, మహిళా పోలీస్ స్టేషన్ ASP సీహెచ్ అంబేద్కర్ దర్యాప్తు చేస్తున్నారు. "కేసు ఇంకా ప్రాథమిక దశలో ఉంది. బాధితురాలికి స్టేట్మెంట్ తీసుకున్న తర్వాత నిందితులను పిలిపించి విచారిస్తాం" అని ఆయన తెలిపారు. రాహుల్ సిప్లిగంజ్ పాత్ర ఏమిటనేది దర్యాప్తులో తేలాల్సి ఉందని ASP అన్నారు.

రెండు నెలల క్రితం నమోదైన ఈ కేసులో ఇప్పటి వరకు పెద్దగా పురోగతి లేదు. పోలీసులు బాధితురాలి వివరాలు, నిందితుల స్టేట్మెంట్ ఆధారంగా ముందుకు వెళ్లాల్సి ఉంది.