దేశ పెట్టుబడుల్లో 25% ఆంధ్రప్రదేశ్‌కే: ఇండియన్ ఛాంబర్ ఆఫ్ కామర్స్ వేదికగా మంత్రి లోకేశ్ వెల్లడి

మంత్రి నారా లోకేశ్ ఇండియన్ ఛాంబర్ ఆఫ్ కామర్స్ ప్లీనరీలో పాల్గొని ఆంధ్రప్రదేశ్‌కు సంబంధించిన పెట్టుబడుల గణాంకాలు వెల్లడించారు.

దేశంలో చేస్తున్న మొత్తం పెట్టుబడుల్లో 25% శాతం ఆంధ్రప్రదేశ్‌కు రావడం గమనించాలని లోకేశ్ తెలిపారు. రాష్ట్ర ముఖ్యమంత్రి చంద్రబాబు నాయుడు ఈ విషయంలో సంతృప్తి చెందలేదని, ఆయన 50% లక్ష్యాన్ని నిర్దేశించారని చెప్పారు.

చంద్రబాబు నాయుడు నాలుగోసారి ముఖ్యమంత్రిగా బాధ్యతలు చేపట్టినప్పటికీ అదే శక్తితో పనిచేస్తున్నారని లోకేశ్ పేర్కొన్నారు. రాష్ట్ర ఎమ్మెల్యేల్లో 50% మంది, 25 మంది మంత్రుల్లో 17 మంది మొదటిసారి ప్రాతినిధ్యం వహిస్తున్నట్టు వెల్లడించారు.

రాష్ట్రాలు పోటీపడితే భారతదేశం గెలుస్తుందని, ఈ పోటీలో ఆంధ్రప్రదేశ్ ముందుండాలని లోకేశ్ ఈ సందర్భంగా అన్నారు.