మంత్రి లోకేశ్ బెంగాల్ సీఎంతో భేటీ; వ్యాపార విధానం, సాంస్కృతిక బంధాలపై చర్చ

ఆంధ్రప్రదేశ్ మంత్రి నారా లోకేశ్, పశ్చిమ బెంగాల్ ముఖ్యమంత్రిని కలిశారు.

ఈ భేటీలో ఆంధ్రప్రదేశ్‌లో అమలు చేస్తున్న 'స్పీడ్ ఆఫ్ డూయింగ్ బిజినెస్' విధానాన్ని లోకేశ్ సీఎంకు వివరించారు. బెంగాల్ ప్రభుత్వం అమలు చేస్తున్న సంక్షేమ పథకాల గురించి ఆయన అడిగి తెలుసుకున్నారు.

ఇరు రాష్ట్రాల మధ్య సాంస్కృతిక బంధాలను బలోపేతం చేయాలని లోకేశ్ కోరారు. తిరుమలలో బెంగాల్ భవన్ నిర్మాణానికి సహకరిస్తామని, బెంగాల్‌లో తిరుమల తిరుపతి దేవస్థానం ఆలయ నిర్మాణానికి స్థలం కేటాయించాలని కోరారు.

మత్య రంగం, ఎగుమతుల విషయంలో పరస్పర సహకారంతో అభివృద్ధి సాధించవచ్చని ఇరువురు అభిప్రాయపడ్డారు.