నారా లోకేష్ ఆర్టీజీఎస్ సమీక్ష; డేటా లేక్ పనులు జూలై నాటికి పూర్తి చేయాలని ఆదేశం

ఏపీ మంత్రి నారా లోకేష్ సచివాలయంలోని ఆర్టీజీఎస్ కమాండ్ కంట్రోల్ సెంటర్‌లో సమీక్ష సమావేశం నిర్వహించారు. ఈ సందర్భంగా మనమిత్రవాట్ గవర్నెన్స్ వినియోగంపై ప్రజల్లో అవగాహన కల్పించేందుకు చర్యలు తీసుకోవాలని అధికారులను ఆదేశించారు.

ప్రభుత్వ శాఖల సమాచారాన్ని ఏకీకృతం చేసే డేటా లేక్ ప్రాజెక్టు పనులను జూలై నాటికి పూర్తి చేయాలని తెలిపారు. కుల, ఆదాయ ధృవీకరణ పత్రాల మంజూరులో అడ్డంకులు తొలగించాలని, రేషన్ కార్డుల విభజన, కుటుంబ సభ్యుల పేర్ల చేర్పు తొలగింపు ప్రక్రియలను సులభతరం చేయాలని సూచించారు. సంజీవని కార్యక్రమాన్ని డేటా లేక్‌తో అనుసంధానించాలన్నారు.

పాఠశాలల్లో డ్రాప్ అవుట్లను డేటా లేక్ విశ్లేషణ ద్వారా తగ్గించే మార్గాలను అన్వేషించాలని నిర్దేశించారు.

ఎల్నినో ప్రభావంతో వర్షాభావ పరిస్థితులు ఏర్పడే అవకాశం ఉన్నందున, జలవనరులు, వ్యవసాయం ఇతర శాఖలు సమన్వయంతో ప్రణాళికాబద్ధంగా పనిచేయాలని పిలుపునిచ్చారు. నీటి వృథాను అరికట్టి, తక్కువ నీటితో ఎక్కువ పంటలు పండించే దిశగా రైతులను ప్రోత్సహించాలన్నారు. జలాశయాల్లో నీటి లభ్యత, భూగర్భ జలమట్టాలను ఆర్టీజీఎస్ అవేర్ విభాగం ద్వారా రియల్ టైం మానిటరింగ్ చేయాలని వివరించారు. యూరియా సరఫరాపై కూడా మంత్రి సమీక్షించారు.