విశాఖలో నేవీ 1976 బ్యాచ్ గోల్డెన్ జూబ్లీ వేడుకలు

విశాఖపట్నంలో నేవీ 1976 బ్యాచ్ నావికులు తమ 50 ఏళ్ల సేవా పూర్తి సందర్భంగా గోల్డెన్ జూబ్లీ వేడుకలను నిర్వహించారు. 1976లో ఐఎన్ఎస్ సర్కార్లో శిక్షణ పొందిన వీరంతా ఈ రీయూనియన్ కోసం విశాఖలో ఒకచోట చేరారు.

దేశంలోని వివిధ ప్రాంతాల నుంచి మొత్తం 76 మంది ఈ కార్యక్రమంలో పాల్గొన్నారు. ఇందులో 52 మంది మాజీ నావికులు, 24 మంది వారి కుటుంబ సభ్యులు ఉన్నారు. కొంతమంది ఆరోగ్య కారణాలు, దూరం కారణంగా రాలేకపోయినా, చాలామంది తమ జ్ఞాపకాలను నెమరవేసుకున్నారు. తాము నడిపిన యుద్ధ నౌకలను సందర్శించి, అప్పటి జ్ఞాపకాలను పంచుకున్నారు.

ఈ రీయూనియన్ నిర్వాహకులు ఆరు నెలల ముందు నుంచి ప్రణాళిక రూపొందించి, 163 మందిని సంప్రదించారు. వీరిలో 76 మంది ఈ కార్యక్రమానికి హాజరయ్యారు. మాజీ నావికులు తమ కుటుంబ సభ్యులతో కలిసి ఐఎన్ఎస్ సర్కార్‌లో శిక్షణ పొందిన ప్రాంతాలను, పరేడ్ మైదానాలను చూపించి గర్వంగా ఫీల్ అయ్యారు.

కార్యక్రమంలో పాల్గొన్న ఒక మాజీ నావికుడి భార్య మాట్లాడుతూ, "నా భర్త ఐఎన్ఎస్ న్యూక్లియర్ సబ్మేరిన్‌లో సేవలందించారు. ఈరోజు అందరినీ కలవడం సంతోషంగా ఉంది. నావీ వల్లే మేము సెటిల్ అయ్యాము," అని పేర్కొన్నారు. మాజీ నావికులు తాము చిన్నప్పటి సోదరులతో కలిసినట్టు అనిపించిందని, విశాఖలో మళ్ళీ కలవడం పుట్టింటికి వచ్చిన ఫీలింగ్ కలిగించిందని తెలిపారు.