నీట్ యూజీ-2026: తెలంగాణ రాష్ట్ర ర్యాంకులు విడుదల; హనుమకొండ విద్యార్థికి టాప్ ర్యాంక్

తెలంగాణ నీట్ యూజీ-2026 రాష్ట్ర ర్యాంకుల జాబితాను కాళోజీ నారాయణరావు ఆరోగ్య విశ్వవిద్యాలయం శనివారం విడుదల చేసింది. హనుమకొండకు చెందిన వీరయ్య కుమారుడు రాష్ట్ర స్థాయిలో మొదటి ర్యాంకు సాధించాడు. ఆల్ ఇండియా స్థాయిలో 13వ ర్యాంక్ సంపాదించిన ఈ విద్యార్థికి 720 మార్కులకు 705 స్కోర్ వచ్చింది.

మొత్తం 38,021 మంది అభ్యర్థులు ఈ సంవత్సరం నీట్ లో అర్హత సాధించారు. మొదటి ఐదు ర్యాంకులు బాలురే సాధించడం విశేషం. ఆల్ ఇండియా ర్యాంకు 3047 పొందిన విద్యార్థికి రాష్ట్రంలో 100వ ర్యాంకు దక్కింది. అత్యల్ప మార్కులతో అర్హత సాధించిన 37,915 నుంచి 38,021 ర్యాంకుల మధ్య ఉన్న 106 మందికి 177 మార్కులు వచ్చాయి.

ఈ రాష్ట్ర ర్యాంకుల జాబితా ప్రాథమికమని యూనివర్సిటీ వర్గాలు వెల్లడించాయి. ప్రవేశాల కోసం ప్రత్యేక నోటిఫికేషన్ త్వరలో విడుదల చేస్తామని, ఆ తర్వాత మెరిట్ జాబితా వేరుగా ప్రకటిస్తామని రిజిస్ట్రార్ తెలిపారు. ఎంబీబీఎస్, బీడీఎస్ సీట్ల కోసం దరఖాస్తు చేసుకునే విధానంపై సమాచారం కోసం విద్యార్థులు యూనివర్సిటీ వెబ్‌సైట్ ను క్రమం తప్పకుండా గమనించాలని కోరారు.