నెల్లూరు: మాజీ భర్త హత్య కేసును 24 గంటల్లో ఛేదించిన పోలీసులు

నెల్లూరు జిల్లా బుచ్చిరెడ్డిపాలెం మండలం పోలినాయుడు చెరువు గ్రామంలో ఓ వ్యక్తి హత్యకు గురైన ఘటనను పోలీసులు 24 గంటల్లోనే ఛేదించారు. మాజీ భార్యే హత్య చేసినట్లు దర్యాప్తులో తేలింది.

మృతుడు పఠాన్ నాగూర్‌ను అతని మాజీ భార్య హనీఫా, ఆమె సోదరుడితో కలిసి హత్య చేసింది. 2021లో విడాకులు తీసుకున్న ఈ దంపతుల మధ్య ఆస్తి వివాదం హత్యకు కారణమని పోలీసులు తెలిపారు.

పఠాన్ నాగూర్ తన ఇంటిని కూతురిపై రాసిచ్చాడు. ఇటీవల హనీఫా ఆ ఇంటిని వేరే వాళ్లకు అమ్మేయడంతో ఖాళీ చేయాలని ఒత్తిడి చేసింది. కూతుళ్లు పెద్దయ్యే వరకు అదే ఇంట్లో ఉంటానని అతను నిరాకరించాడు. ఈ క్రమంలో హనీఫా తన సోదరుడితో కలిసి మద్యం తాగించి హత్య చేసి, మృతదేహాన్ని ఇంటి వెనుక పడేసింది.

మృతుడి సోదరుడు గౌసీ భాషా ఫిర్యాదుతో కేసు నమోదు చేసి దర్యాప్తు చేపట్టారు. కేవలం 24 గంటల్లోనే నిందితులిద్దరినీ అదుపులోకి తీసుకుని కోర్టులో హాజరుపరిచారు. వేగంగా కేసును ఛేదించిన పోలీసులను జిల్లా ఎస్పీ అభినందించారు.