నెదర్లాండ్స్ యువతి ఫిర్యాదుతో కొండాపూర్లో అసభ్య ప్రవర్తన కేసు నమోదు

నెదర్లాండ్స్ కు చెందిన ఒక యువతి తనపై అసభ్య ప్రవర్తనకు పాల్పడిన వ్యక్తిపై గచ్చిబౌలి పోలీసులకు ఫిర్యాదు చేసింది.

ప్రియుడు కోసం భారత్ వచ్చిన ఈ యువతి కొండాపూర్‌లో అతనితో నివసిస్తున్న సమయంలో ఆదిత్య అనే వ్యక్తి తన పట్ల అసభ్యంగా ప్రవర్తించాడని ఆరోపించింది.

ఆ తర్వాత నెదర్లాండ్స్ వెళ్లిన ఆమె అక్కడ భారత రాయబార కార్యాలయంలో ఫిర్యాదు చేసింది. ఇటీవల తిరిగి హైదరాబాద్ వచ్చి గచ్చిబౌలి పోలీసులను సంప్రదించి ఘటన వివరాలు తెలిపింది.

యువతి ఫిర్యాదు మేరకు పోలీసులు కేసు నమోదు చేసి దర్యాప్తు ప్రారంభించారు. నిందితుడి స్పందన తెలియాల్సి ఉంది.