రాజకీయ ఫిరాయింపులపై నెటిజన్ల తీవ్ర విమర్శలు.. 'ఇది వ్యాపారం'

రాజకీయ పార్టీల మధ్య ఫిరాయింపులు ఇటీవల పెరిగిపోతున్న నేపథ్యంలో సోషల్ మీడియాలో నెటిజన్లు తీవ్ర అసమ్మతి వ్యక్తం చేస్తున్నారు. ఇప్పుడు ఫిరాయింపులు వ్యాపారంగా మారాయని, ఓటర్ల ప్రయోజనాలను అసలు పట్టించుకోవడం లేదని ఆగ్రహం వ్యక్తమవుతోంది. ట్విట్టర్‌లో వచ్చిన స్పందనల్లో ఈ అభిప్రాయాలు వెల్లడయ్యాయి.

వరుణ్ మాలవల్లి అనే యూజర్ 'గతంలో ఫిరాయింపు అంటే కొంత సిగ్గు అనిపించేది. కానీ ఇప్పుడు బలవంతంగా గానీ, ఆకర్షించి గానీ ఇతర పార్టీల నుంచి నేతలను లాగటాన్ని మాస్టర్ స్ట్రోక్‌గా చూస్తున్నారు. ఓటర్ల ప్రయోజనాలను పక్కన పెడుతున్నారు' అని రాశారు. మరో యూజర్ అశోక్ షెకావత్ 'ఇప్పుడు ఏదీ మ్యాటర్ కాదు. కోట్లాది రూపాయలే ముఖ్యం. ఫిరాయింపులు రాజకీయ నేతలకు అవమానకరమైన వ్యాపారంగా మారాయి' అన్నారు. యూకే బిష్ట్ 'ఇది కార్పొరేట్ మెర్జర్స్ అండ్ అక్విజీషన్స్ తరహాలో ఉంది' అని వ్యాఖ్యానించారు.

రాజేశ్ ముద్రా 'రాజకీయం ఈ దేశంలో అత్యధిక రాబడినిచ్చే వ్యాపారం' అని ట్వీట్ చేశారు. తుషార్ గాంధీ 'ప్రశ్న ఏమిటంటే.. ఇది ఎదురులేని ఆకర్షణా లేక వారిని ఎత్తుకోవడమా?' అని ప్రశ్నించారు.

ఇటీవల కాలంలో పలు రాష్ట్రాల్లో బీజేపీ, కాంగ్రెస్, ప్రాంతీయ పార్టీలకు చెందిన నేతలు పార్టీలు మారడం సర్వసాధారణమైంది. దీనిపై ఓటర్లలో నమ్మకం సన్నగిల్లుతోందని ఈ స్పందనలు చూపిస్తున్నాయి.