నిహారిక కామెంట్స్: మంచి టీమ్, అదృష్టం వల్లే వరుస విజయాలు

వరుసగా కంటెంట్ ఆధారిత చిత్రాలతో విజయాలు అందుకుంటున్న నటి నిహారిక తన విజయాలపై స్పందించారు. ఒక ప్రెస్ ఇంటరాక్షన్ లో ఆమె ఈ వ్యాఖ్యలు చేశారు.

పెద్ద నిర్మాతలు సైతం వరుస సినిమాలతో విజయాలు సాధించడంలో ఇబ్బంది పడుతుంటే, మీరు మాత్రం ఎలా విజయాలు అందుకుంటున్నారు అని విలేకరి ప్రశ్నించారు. దీనికి బదులిస్తూ, తనకు మంచి టీమ్ తోడుగా ఉందని నిహారిక చెప్పారు. మంచి కథల కోసం తాను వెతుక్కుంటూ వెళ్తున్నానో, లేదా కథలే తనను వెతుక్కుంటూ వస్తున్నాయో తెలియదని ఆమె అన్నారు. తాను చాలా అదృష్టవంతురాలిని అని వ్యాఖ్యానించారు.

ఈ ఏడాది తెలుగు సినిమాల కంటెంట్ ప్రేక్షకులకు ఆసక్తి కలిగించడం లేదని, తమిళ సినిమాలు ఎదుగుతున్నాయని విలేకరి చెప్పారు. ఆ ప్రశ్నకు బదులిస్తూ, ప్రతి ఒక్కరికీ తమ సమయం వస్తుందని నిహారిక అన్నారు. టాలీవుడ్ లో ఈ ఏడాది రకరకాల సినిమాలు వచ్చాయని ఆమె పేర్కొన్నారు. మంచి సినిమాలే గెలుస్తాయని ఆమె అభిప్రాయపడ్డారు.