భారత భద్రతా వ్యూహంలో ఈశాన్యం కీలకం: రక్షణ మంత్రి రాజ్‌నాథ్ సింగ్

రక్షణ మంత్రి రాజ్‌నాథ్ సింగ్ ఈశాన్య భారతదేశం జాతీయ భద్రతా వ్యూహంలో కీలక ప్రాంతమని అన్నారు. శనివారం మేఘాలయలోని షిలాంగ్ లో ఈస్టర్న్ ఎయిర్ కమాండ్ కార్యక్రమంలో ఆయన ప్రసంగించారు.

దేశ భౌగోళిక, రాజకీయ దృక్పథంలో ఈశాన్య ప్రాంతం ప్రాముఖ్యతను ఆయన వివరించారు. యుద్ధాల స్వభావంలో వస్తున్న మార్పులను గురించి కూడా ఆయన ప్రస్తావించారు. హైబ్రిడ్ ముప్పులు, సైబర్ సవాళ్లు, ఇన్ఫర్మేషన్ వార్ఫేర్, లాజిస్టిక్స్, సప్లై చైన్ డైనమిక్స్, డ్రోన్ల వినియోగం వంటివి ఇప్పుడు యుద్ధాల్లో కీలకాంశాలుగా మారాయని ఆయన తెలిపారు.

సైనిక సన్నద్ధతలో సమూల మార్పులు అవసరమని ఆయన భద్రతా సిబ్బందిని ఉద్దేశించి పేర్కొన్నారు. సరిహద్దులు, నదులు, సంస్కృతి ఇక్కడ లోతుగా ముడిపడి ఉన్నాయని ఆయన అన్నారు. తూర్పు కమాండ్ జాతీయ భద్రతలో కీలకమని స్పష్టం చేశారు.