NTPC రామగుండంలో రైజింగ్ డే వేడుకలు ప్రారంభం; 91,000 మెగావాట్లకు పైగా సామర్థ్యం

పెద్దపల్లి జిల్లాలోని రామగుండంలో NTPC రైజింగ్ డే వేడుకలు ప్రారంభమయ్యాయి. NTPC ఎగ్జిక్యూటివ్ బిల్డింగ్‌లో జరిగిన కార్యక్రమంలో కంపెనీ జెండాను ఎన్టీపీసీ రామగుండం ఎగ్జిక్యూటివ్ డైరెక్టర్ ఆవిష్కరించారు.

1975లో ఇదే రోజు NTPC స్థాపన జరిగింది. అప్పటి నుంచి కంపెనీ సామర్థ్యం 91,000 మెగావాట్లకు పైగా పెరిగింది. దేశంలోని మంచి విద్యుత్ ఉత్పత్తి సంస్థల్లో NTPC ముందు వరుసలో ఉంది.

రామగుండం ప్రాజెక్ట్ దేశవ్యాప్తంగా తనకంటూ ఒక గుర్తింపు సంపాదించిందని ఎన్టీపీసీ రామగుండం, తెలంగాణ హెడ్ అన్నారు. ఈ స్థాయికి చేరుకున్నందుకు ఆయన ఉద్యోగులందరికీ అభినందనలు తెలిపారు.

తెలంగాణలో కెపాసిటీ పెంపు కార్యక్రమంలో భాగంగా మూడు యూనిట్లను తీసుకొస్తున్నట్లు ఆయన చెప్పారు. ఒక్కో యూనిట్ సామర్థ్యం 800 మెగావాట్లు.